John Deere elimizde 3 myń aýyl sharýashylyǵy tehnıkasyn shyǵarady

VAShINGTON. KAZINFORM - Qasym-Jomart Toqaev John Deere kompanııasynyń TMD jáne Ortalyq Azııa elderi boıynsha prezıdenti Chabo Leıkomen kezdesti, dep habarlaıdy Aqordanyń baspasóz qyzmeti.

Qazaqstan Prezıdenti John Deere kompanııasymen seriktestikti zamanaýı jáne tıimdi aýyl sharýashylyǵy keshenin damytýǵa ortaq umtylysty kórsetetin óndiristik kooperatsııanyń tabysty úlgisi dep atady.

Memleket basshysy John Deere kompanııasynyń Qazaqstannyń «Agromash» zaýytymen seriktestik ornata otyryp, agroónerkásip keshenine arnalǵan tehnıka óndirisiniń lokalızatsııasy týraly qabyldaǵan sheshimin qoldady. Bul yntymaqtastyq qazirdiń ózinde oń nátıje berip otyr.

Óndiris iske qosylǵan bıylǵy mamyr aıynan beri 290 birlikten astam tehnıka jasalǵan. Jyl sońyna deıin taǵy 100 tehnıka shyǵarylady dep josparlanýda. Qasym-Jomart Toqaev sapar aıasynda jalpy quny 2,5 mıllıard dollarǵa baǵalanǵan Strategııalyq seriktestik týraly kelisimge qol qoıylǵanyn quptady.

Qujat boıynsha «AgromashHoldıng KZ» AQ 5 jyl ishinde kem degende 3 myń John Deere aýyl sharýashylyǵy tehnıkasyn shyǵarýdy, keminde 3 servıs ortalyǵyn ashýdy, sondaı-aq mamandardy oqytý júıesin damytýdy qarastyrady.

Osyǵan deıin Qazaqstan men AQSh asa mańyzdy mıneraldar týraly memorandýmǵa qol qoıǵany týraly jazdyq.