Prezıdent Italııanyń joǵary oqý oryndaryn Qazaqstanda fılıalyn ashýǵa shaqyrdy

ASTANA. KAZINFORM – Memleket basshysy Qasym-Jomart Toqaev Italııanyń joǵary oqý oryndaryn elimizde fılıaldaryn ashýdy usyndy. 

– Bizdiń strategııalyq seriktestigimizdiń mańyzdy elementteriniń biri – Eýropadaǵy bilim berý salasyndaǵy yntymaqtastyq. Qazir shamamen 4 myńǵa jýyq qazaqstandyq stýdent Italııada bilim alyp jatyr. Bizdiń stýdentterge úzdik ýnıversıtetterde bilim alýǵa múmkindik beretin granttar men shákirtaqylar usynǵany úshin Italııa úkimetine alǵys aıtamyn. Osy múmkindikti paıdalana otyryp, ıtalıandyq tehnıkalyq joǵary oqý oryndaryn Qazaqstanda óz fılıaldaryn ashýǵa shaqyrǵym keledi. Biz ásirese jasandy ıntellekt ınjenerlerin daıarlaýǵa erekshe nazar aýdaryp otyrmyz, - dedi Qasym-Jomart Toqaev elordada ótip jatqan «Ortalyq Azııa – Italııa» birinshi sammıtinde.

Prezıdenttiń málimdeýinshe, tehnoparkter men jasandy ıntellekt tehnologııalaryn damytýǵa basymdyq beriledi. 

– Buǵan dálel retinde elimizde Italıan mádenıeti ınstıtýtynyń fılıalynyń ashylýyn aıtýǵa bolady. Qazir elimizde jasandy ıntellekt salasy boıynsha mamandardy daıarlaý baǵdarlamasy júzege asyrylyp jatyr, - deıdi Q. Toqaev.

Aıta keteıik, elordada «Ortalyq Azııa – Italııa» birinshi sammıti ótip jatyr. Oǵan Qazaqstan Prezıdenti Qasym-Jomart Toqaev, Italııa Mınıstrler Keńesiniń tóraǵasy Djordja Melonı, Qyrǵyzstan prezıdenti Sadyr Japarov, Ózbekstan prezıdenti Shavkat Mırzıeev, Túrikmenstan prezıdenti Serdar Berdimuhamedov, Tájikstan prezıdenti Emomalı Rahmon qatysyp jatyr.