Prezıdent Іs basqarmasynyń qyzmetkerleri senbilikte 400 qap qoqys jınady
NUR-SULTAN. QazAqparat - Búgin jer-jerde «Birge – taza Qazaqstan» atty respýblıkalyq ekologııalyq aktsııa ótti, dep habarlaıdy QazAqparat.
QR Prezıdenti Іs basqarmasynyń qyzmetkerleri de tańerteń aýmaqty tazalaýǵa shyqty.
«Bizge bekitilgen ýchaskede QR PІB ortalyq apparatymen birge vedomstvolyq qarasty uıymdardyń, ıaǵnı Medıtsınalyq ortalyq, Prezıdent Ákimshiligi men Úkimetiniń ákimshilik ǵımarattary dırektsııasy, Avtosharýashylyq, Memlekettik rezıdentsııalar dırektsııasy, Injenerlik-tehnıkalyq ortalyq qyzmetkerleri jumys istedi» dep jazady Telegram paraqshasynda Prezıdent is basqarmasynyń basshysy Aıbek Dádebaev.
Nátıjesinde 250 adam 400 qap qoqys jınaǵan.
Іs basqarmasynyń basqa kásiporyndarynyń qyzmetkerleri de senbilikke shyqty jáne qoǵamnyń ekologııalyq bastamasyn qoldaı otyryp, ózderine bekitilgen ýchaskelerdi tazalady.
