Prezıdent Іs Basqarmasy vedomstvolary arasynda ústel tennısinen týrnır ótip jatyr
Jyl saıynǵy dástúrli jarysta 10 komanda ózara tartysqa túsedi.
«QR PІB «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» sharýashylyq júrgizý quqyǵyndaǵy RMK dırektory Talǵat Múslimov atalǵan týrnırdiń ashylýy rásimine qatysty.
«QR Prezıdenti Іs Basqarmasynyń vedomstvolyq qarasty uıymdary arasynda jyl saıyn týrnırler ótkizilip turady. Búgin biz ústel tennısinen týrnır uıymdastyrdyq. Munyń barlyǵy buqaralyq sportty damytý, salaýatty ómir saltyn nasıhattaý, básekelestik rýhyn, jeńiske degen jigerdi baýlý, sondaı-aq adamdardyń birligi rýhyn nasıhattaý maqsatynda jasalyp jatyr. Demek, bir jaǵynan sport bolsa, ekinshi jaǵynan ózara qarym-qatynasty nyǵaıtady. Bul jarystarda bizdiń qyzmetkerler bir-birimen tanysyp, olardyń arasynda yntymaqtastyq nyǵaıady», - dedi Talǵat Músilimov agenttik tilshisine bergen suhbatynda.
Aıta keteıik, búgingi týrnırge Prezıdent Іs Basqarmasy, Prezıdent Teleradıokesheni, «QR PІB Avtosharýashylyǵy» RMK, «Búrkit» memlekettik avıakompanııasy» RMK, QR PІB Medıtsınalyq ortalyǵy, «Materıaldyq-tehnıkalyq qamtamasyz etý basqarmasy» memlekettik mekemesi, «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» sharýashylyq júrgizý quqyǵyndaǵy RMK, «Memlekettik rezıdentsııalar dırektsııasy» RMK, «QR PІB Injenerlik-tehnıkalyq ortalyǵy» ShJQ RMK, «Býrabaı damý» JShS atynan komandalar qatysyp jatyr.
Týrnır sýdıasy Erık Raıter oıyn erejesin túsindirip berdi.
«10 komanda toptarǵa bólinip jarysady. Oıyn eki ret jeńiske jetkenshe jalǵasady», - dedi sýdıa.
Týrnır jeńimpazdary men júldegerlerine baǵaly syılyqtar tabystalady.
