Prezıdent Iran aýmaǵynan BAÁ-ni zymyrandarmen shabýyldaý áreketterin aıyptady

ASTANA. KAZINFORM –Prezıdent Qasym-Jomart Toqaev Iran aýmaǵynan Birikken Arab Ámirlikterin zymyrandarmen jáne ushqyshsyz ushý apparattarymen shabýyldaý áreketterin aıyptady. Bul týraly Prezıdenttiń keńesshisi – baspasóz hatshysy Aıbek Smadııarov jazdy. 

Sonyń saldarynan kóptegen turǵyn qaza taýyp, azamattyq ınfraqurylymǵa nuqsan keldi.

Memleket basshysy Taıaý Shyǵystaǵy qarýly qaqtyǵysty odan ári ýshyqtyratyn mundaı áreketterdi esh aqtaýǵa bolmaıdy dep sanaıdy.

Qasym-Jomart Toqaev halyqaralyq daýly máselelerdi sheshýdiń eń durys joly dıplomatııalyq tásilderge júginý ekenin atap ótti. 

Aıta ketelik Qasym-Jomart Toqaev Irannyń kórshi elderge shabýyldan bas tartýyn quptaıtyny týraly jazǵan edik.