Prezıdent Iordanııaǵa resmı sapary aıasynda 10 qujatqa qol qoıdy
ASTANA. KAZINFORM – Kelissózder aıaqtalǵannan keıin Qazaqstan Respýblıkasynyń Prezıdenti Qasym-Jomart Toqaev pen Iordan Hashımıt Koroldiginiń Koroli II Abdalla ben ál-Hýseın Birlesken málimdeme qabyldady. Bul týraly Aqorda málim etti.
Sondaı-aq memleketter basshylarynyń qatysýymen resmı delegatsııalar músheleri tómendegideı qujattarǵa qol qoıdy:
1. Qazaqstan Respýblıkasy Úkimeti men Iordan Hashımıt Koroldigi Úkimeti arasyndaǵy ónerkásiptik yntymaqtastyq máseleleri boıynsha ózara túsinistik týraly memorandým;
2. Qazaqstan Respýblıkasy Energetıka mınıstrligi men Iordan Hashımıt Koroldigi Atom energetıkasy jónindegi komıssııasy arasyndaǵy atom qýatyn beıbit maqsatta paıdalaný salasyndaǵy yntymaqtastyq máseleleri boıynsha ózara túsinistik týraly memorandým;
3. Qazaqstan Respýblıkasy Ulttyq ekonomıka mınıstrligi men Iordan Hashımıt Koroldigi Ónerkásip, saýda jáne jabdyqtaý mınıstrligi arasyndaǵy ózara túsinistik pen yntymaqtastyq týraly memorandým;
4. «Samuryq-Qazyna» ulttyq kompanııasy» AQ men Iordan Hashımıt Koroldigi Investıtsııalar mınıstrligi arasyndaǵy yntymaqtastyq týraly kelisim;
5. Qazaqstan Respýblıkasy Prezıdenti Іs basqarmasy «Qazaqstan Respýblıkasy Prezıdentiniń teleradıokesheni» sharýashylyq júrgizý quqyndaǵy respýblıkalyq memlekettik kásiporyny men Iordanııa radıo jáne televızııa korporatsııasy (Jordan Radio and Television Corporation) arasyndaǵy ózara túsinistik pen yntymaqtastyq týraly memorandým.
Budan bólek, Memleket basshysynyń Iordanııaǵa resmı sapary aıasynda vedomstvoaralyq jáne kommertsııalyq 10 qujatqa qol qoıyldy.
Eske sala keteıik, buǵan deıin Prezıdent Iordan Hashımıt Koroldigine resmı saparmen barǵanyn jazǵan bolatynbyz.
Memleket basshysy Ál-Hýseınııa saraıyna keldi.
Prezıdent Qasym-Jomart Toqaev Iordanııa Korolimen kelissóz júrgizdi.