Prezıdent Iordanııa halqyna qoldaý men tilektestik bildirdi

ASTANA. KAZINFORM — Memleket basshysy Taıaý Shyǵystaǵy ahýaldy jiti qadaǵalap otyr. Bul týraly QR Prezıdentiniń baspasóz hatshysy Aıbek Smadııarov málim etti.

— Osy oraıda Qasym-Jomart Toqaev Iordanııa Koroli ІІ Abdallaǵa hat joldap, Qazaqstan qazirgideı syn saǵatynda baýyrlas ıordan halqyna qoldaý men tilektestik bildiretinin jetkizdi. Prezıdent ahýaldyń ýshyǵýyna ákelýi múmkin is-qımyldardan bas tartýǵa shaqyryp, kez kelgen halyqaralyq qaqtyǵys dıplomatııalyq tásilder arqyly sheshilýi qajet ekenin taǵy da atap ótti, — delingen habarlamada.

Buǵan deıin Memleket basshysy Bosnııa jáne Gertsegovınanyń Tóralqa Tóraǵasyn quttyqtaǵan bolatyn.