Prezıdent ınvestorlarǵa elimizde agrarlyq keshender qurýdy usyndy

A. Jeltoqsannyń 4-i. QazAqparat /Rýslan Ǵabbasov/ - Búgin  Elbasy Nursultan Nazarbaev QR Prezıdenti janyndaǵy Sheteldik ınvestorlar keńesiniń jıyrma ekinshi plenarlyq otyrysynda ınvestorlarǵa elimizde agrarlyq keshender qurýdy usyndy,

dep habarlaıdy QazAqparat.

 Agraralyq-ındýstrııalyq ártaraptandyrý máselesine toqtalǵan Elbasy, «Qazaqstan aýyl sharýashylyǵy ónimderin ósirýge qolaıly aýqymdy egistik jerge ıelik etedi. Atap aıtqanda, sizderdiń kompanııalarda eńbek etetin jumysshylardy azyq-túlikpen qamtamasyz etý kerek shyǵar? Nege sizderge bizdiń aýyl sharýashylyǵy ónimderin óndirýshilermen birge ózderińiz jumys isteıtin aımaqta kásiporyndar úshin ónim óndiretin agrarlyq keshender qurmasqa», dedi.

Elbasy mysal retinde Qytaı memleketi Qazaqstanǵa soıa men raps ósirý úshin 1 mıllıon gektar jerdi paıdalanýǵa berý usynysyn jasaǵanyn aıtyp ótti.