Prezıdent ınvestıtsııalyq jobalardyń tsıfrlyq derekter bazasyn qurýdy tapsyrdy
«Jalpy, Úkimet pen ákimder ınvestıtsııa tartý baǵytyndaǵy jumysty edáýir jandandyrýy kerek. Men bul týraly aıttym, biraq erekshe mańyzdylyǵyn eskere otyryp, qaıtalaımyn. Iá, byltyr tartylǵan tikeleı sheteldik ınvestıtsııanyń kólemi sońǵy 10 jyldaǵy rekordtyq mólsherge jetti – 28 mıllıard dollar tartyldy.
Prezıdent tartylǵan ınvestıtsııalardyń 43%-dan astamy ádettegideı taý-ken sektoryna jumsalyp oytrǵanyn atap ótti.
«Al óńdeý ónerkásibine salynǵan ınvestıtsııalar jalpy ınvestıtsııanyń besten bir bóligin ǵana qurady. Sondyqtan bizge ıkemdi, bizdiń qajettilikterimiz ben shynaıy jaǵdaıymyzǵa beıimdelgen salyq saıasaty jáne memlekettik qyzmetshilerdiń utqyrlyǵy men qarjylaı tazalyǵy kerek. Investıtsııalardy tartýdyń tıimdi júıesin qurý qajet. Eń bastysy ınvestıtsııalar sińimdi bolýy qajet.
Sheteldik ınvestorlarǵa naqty jobalarǵa ınvestıtsııa salýdy, daıyn pakettik sheshimderdi usyný kerek. Úkimet naqty salalardaǵy iri sheteldik seriktestermen nátıjeli jumys istep otyr. Biraq bul baǵyttaǵy jumsalyp jatqan kúsh-jigerdi arttyrý qajet. Interaktıvti ınvestıtsııalyq karta quryp, ár óńirdiń ınvestıtsııalyq jobalary men ınvestorlary týraly derekterdiń tsıfrlyq bazasyn iske qosý qajet», - dedi Memleket basshysy.
Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.
