Prezıdent ınflıatsııany 4-6% dálizine qaıtarýdy tapsyrdy - Olga Býlavkına

ALMATY. QazAqparat - Memleket basshysy Qasym-Jomart Toqaev Qazaqstan halqyna Joldaýynda pandemııadan keıingi kezeńde Qazaqstannyń odan ári ekonomıkalyq damýynyń naqty maqsattaryn qoıdy. Bundaı pikirdi QR Parlamenti Senatynyń depýtaty Olga Býlavkına bildirdi.

Depýtattyń aıtýynsha, memleket ózine alǵan mindettemelerdiń oryndalýyn qamtamasyz etý qajet. Zań shyǵarýshy jáne atqarýshy bılik pandemııaǵa baılanysty qıyn ýaqytta azamattardyń múddesi úshin jumys isteýi kerek, halyq pen kásipkerlerge qoldaý kórsetýi kerek.

«Bul rette «Bıznestiń jol kartasy 2025» bıznesti qoldaý men damytýdyń memlekettik baǵdarlamasyn, «Qarapaıym zattar ekonomıkasy» jeńildikpen kredıt berý baǵdarlamasyn uzartý mańyzdy qural bolyp tabylady», - dedi spıker.

Senat depýtatynyń aıtýynsha, ınflıatsııanyń joǵary deńgeıi, baǵanyń negizsiz ósýi qazaqstandyq kásiporyndardyń damý áleýeti men básekege qabilettiligin shekteıdi, ulttyq ekonomıkanyń osaldyǵyna alyp keledi. Osyǵan baılanysty Prezıdent ınflıatsııany 4-6% dálizine qaıtarýdy tapsyrdy.

Al agroónerkásiptik keshendi sýbsıdııalaý problemalary aýyl sharýashylyǵy salasynda sybaılas jemqorlyq táýekelderine alyp keledi.

«Sýbsıdııalardyń qoljetimsizdigi, qarajatpen tolyq kólemde qamtamasyz etilmeýi, bopsalaý, aqparattyq júıeler jumysyndaǵy turaqsyzdyq zańnamanyń buzylýyna ákep soǵady. Parlament múddeli memlekettik organdarmen birlesip, qysqa merzimde sýbsıdııalaý saıasatynyń zańnamalyq negizin nyǵaıtý týraly zań jobasyn ázirleıdi», - dep málimdedi Olga Býlavkına.

«Bıznesti yntalandyrý, jalaqyny kóterý, biryńǵaı turǵyn úı baǵdarlamasyn ázirleý, ekologııalyq máselelerdi sheshý - osy sharalardyń barlyǵy halqymyzdyń ál-aýqatyn arttyrýǵa baǵyttalǵan strategııalyq maqsattarǵa qol jetkizýge baǵyttalatyn bolady», - dep atap ótti senator.

Avtor: Dýman Arǵyngeldi