Prezıdent: Іndettiń ekinshi kezeńi bastalyp ketýi múmkin
NUR-SULTAN. QazAqparat – Іndettiń ekinshi kezeńi bastalyp ketýi múmkin. Bul týraly Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda málim etti, dep habarlaıdy QazAqparat.
«Іndettiń ekinshi kezeńi bastalyp ketýi múmkin. Sondyqtan, ózimizdiń aman-saýlyǵymyzǵa, eń aldymen, ózimiz jaýapty bolýymyz kerek. Іndet qaıta órshigen jaǵdaıda Úkimet naqty shuǵyl is-qımyl josparyn daıyndaıdy. Ózderińizge málim, meniń tapsyrmam boıynsha elimizde daǵdarysqa qarsy sharalardyń eki toptamasy júzege asyrylýda. 4,5 mıllıonnan astam adamǵa 42500 teńge kóleminde qarjylaı kómek kórsetilýde. 1 mıllıonnan astam azamatqa azyq-túlik pen turmystyq zattar úlestirilýde. Kommýnaldyq tólemderdiń tarıfi tómendetildi. Ony tóleý úshin asa muqtaj jandar qosymsha kómek alady», - dedi Przıdent.
Osy oraıda Memleket basshysy 2 mıllıonǵa jýyq azamattyń nesıe tóleý merzimi keıinge shegerilgenin eske saldy.
«Qoljetimdi nesıe berý, kóktemgi egis naýqanyn júrgizý, jumys oryndaryn ashý jáne saqtaý úshin aıtarlyqtaı qarajat bólindi. 700 myńnan astam kompanııa men kásipkerler úshin salyq júktemesi azaıtyldy. Sol arqyly olar 1 trıllıon teńgege jýyq qarjy únemdeýge múmkindik aldy», - dedi Qasym-Jomart Toqaev.
