Prezıdent Horvatııa Premer-mınıstrin Astana halyqaralyq forýmyna shaqyrdy

ASTANA. KAZINFORM - Memleket basshysy Qasym-Jomart Toqaev Horvatııa Premer-mınıstri Andreı Plenkovıchpen kezdesti, dep habarlaıdy Aqorda.

Prezıdent Horvatııany Qazaqstannyń Eýropa Odaǵyndaǵy senimdi seriktesi retinde atap ótti.

Qasym-Jomart Toqaev pen Andreı Plenkovıch ekijaqty qarym-qatynasty, sonyń ishinde saýda-ekonomıka, ınvestıtsııa jáne mádenı-gýmanıtarlyq yqpaldastyqtyń qazirgi jaı-kúıin talqylady.

Kezdesýde energetıka sektoryndaǵy birlesken ınvestıtsııalyq jobalardy júzege asyrýǵa basa nazar aýdaryldy. Memleket basshysy Qazaqstanda jumys istep jatqan horvatııalyq kompanııalarǵa qoldaý bildirdi. Budan bólek, vıza rejımin ońtaılandyrý máselesi qarastyryldy.

Oraıly sátti paıdalana otyryp, Qasym-Jomart Toqaev Horvatııa Premer-mınıstrin kelesi jyly ótetin Astana halyqaralyq forýmyna shaqyrdy. Al Andreı Plenkovıch Qazaqstan Prezıdentine Horvatııaǵa saparmen kelýge usynys bildirdi.

Eske salaıyq, Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti.

Búgin memleket basshysy «Ál-Azhar» ýnıversıtetiniń Joǵarǵy ımamy Ahmed at-Taıebpen áńgimelesti.

Sondaı-aq, Prezıdent Qasym-Jomart Toqaev BUU Klımattyń ózgerýi týraly negizdemelik konventsııasyna qosylýshy taraptardyń 29-shy konferentsııasy (SOP29) aıasynda Grekııa Premer-mınıstri Kırıakos Mıtsotakıspen kezdesý ótkizdi.

Dúnıejúzilik klımat sammıti aıasynda Qazaqstan men Soltústik Makedonııa qarym-qatynasty damytý jóninde ýaǵdalasty.