Prezıdent HHLA kompanııasynyń basqarma tóraǵasy Angela Tıttsratpen kezdesti
Memleket basshysy Qasym-Jomart Toqaev HHLA kompanııasynyń basqarma tóraǵasy Angela Tıttsratpen kezdesti, dep habarlaıdy QazAqparat.
HHLA (Hamburger Hafen und Logistik) kompanııasynyń basshysymen kezdesý barysynda Qazaqstan men Germanııanyń kólik-logıstıka salasyndaǵy yntymaqtastyǵyn nyǵaıtý perspektıvalary talqylandy.
Memleket basshysy Germanııanyń kólik jáne logıstıka salasyn damytýda atalǵan kompanııanyń mańyzdy ról atqaratynyn aıta kele, onyń elimizde fılıal ashý týraly sheshimin quptady.
Qasym-Jomart Toqaev bul salanyń Qazaqstan úshin strategııalyq mańyzy zor ekenin aıtty. Óıtkeni elimiz Eýrazııadaǵy basty tranzıt toraby retinde óz pozıtsııasyn kúsheıtýge nıetti.
Áńgimelesý barysynda Qazaqstan qurǵaq jáne suıyq júkterdi tasymaldaýǵa arnalǵan jańa tankerler satyp alý, sondaı-aq Kaspıı teńizindegi Aqtaý jáne Quryq porttaryn jańǵyrtý úshin qarjy tartýǵa múddeli ekeni atap ótildi.
HHLA – jetekshi eýropalyq logıstıkalyq kompanııa. Kásiporyn Gambýrg, Odessa, Tallınn, Trıest qalalaryndaǵy teńiz porty termınaldaryna, sondaı-aq olarmen baılanystyrylǵan Ortalyq jáne Shyǵys Eýropadaǵy ıntermodaldyq toraptar jelisine ıelik etedi.
