Prezıdent Halyqaralyq standarttaý uıymynyń bas hatshysyn qabyldady
ASTANA.KAZINFORM - Memleket basshysy Halyqaralyq standarttaý uıymynyń (ISO) Bas hatshysy Serhıo Mýhıkany qabyldady. Bul týraly Aqordanyń baspasóz qyzmeti habarlady.
Qasym-Jomart Toqaev meımanǵa iltıpat bildirip, Halyqaralyq standarttaý uıymy jahandyq saýda, ınnovatsııa men ornyqty damýdyń negizin qalyptastyratyn bedeldi ınstıtýt ekenine toqtaldy.
Prezıdent Qazaqstannyń ISO-men birge tsıfrlyq transformatsııa, ornyqty damý jáne tsıfrlandyrý sekildi salalarda birlesken jobalardy iske asyrýǵa áleýeti mol ekenin jetkizdi.
Bas hatshy Serhıo Mýhıka ulttyq standarttaý júıesi men tsıfrlyq tehnologııany damytý baǵytyndaǵy Qazaqstannyń kúsh-jigerin joǵary baǵalap, elimizdiń uıym qyzmetine belsendi qatysatynyn jáne halyqaralyq standarttardy engizýge ázir ekenin atap ótti.
Qasym-Jomart Toqaev pen Serhıo Mýhıka tabysty yntymaqtastyqty odan ári nyǵaıtýǵa jáne birlesken jumystardyń jańa baǵyttaryn damytýǵa ózara nıet tanytty.
Aıta ketelik búgin Prezıdent qutqarýshylardy kásibı merekesimen quttyqtady.