Prezıdent Halyqaralyq sot ákimshiligi qaýymdastyǵynyń (IASA) basshysyn qabyldady
ASTANA. KAZINFORM - Memleket basshysy Halyqaralyq sot ákimshiligi qaýymdastyǵynyń (IASA) prezıdenti Pamela Harrısti qabyldady. Bul týraly Aqordanyń baspasóz qyzmeti habarlady.
Qasym-Jomart Toqaev quqyqtyq memleket qurýda zań ústemdigin qamtamasyz etý men sot júıesin reformalaýdyń sheshýshi mánge ıe ekenin atap ótti.
– Biz «Zań jáne tártip» qaǵıdatyn ornyqtyrýǵa baǵyttalǵan óte mańyzdy reformalardy qolǵa aldyq. Zań ústemdigi qoǵamǵa dendep enýge tıis dep sanaımyz. Meniń oıymsha, bul elimizdiń turaqtylyǵy men ósip-órkendeýi úshin óte ózekti. Sondyqtan Halyqaralyq qaýymdastyq Qazaqstanmen, elimizdiń sot júıesimen tyǵyz qarym-qatynasta jumys isteýi kerek, - dedi Prezıdent.
Pamela Harrıstiń aıtýynsha, Sot ákimshiligi men Joǵarǵy sottyń fýnktsııalaryn bólý álemdik tájirıbedegi anaǵurlym tıimdi sheshimderdiń biri.
Kezdesýde sot organdary arasyndaǵy ózara yqpaldastyqty keńeıtýge, sot óndirisinde tsıfrlyq sheshimderdi jáne jasandy ıntellektini qoldaný perspektıvasyna basa nazar aýdaryldy.