Prezıdent Halyq Keńesi jasaqtalatyn merzimdi atady

- Qyrkúıektiń ekinshi jartysynda Halyq Keńesi jasaqtalady. Bul – Qazaqstan tarıhyndaǵy tuńǵysh joǵary konsýltatıvtik organ. Elimizdiń etnıkalyq, aımaqtyq, áleýmettik, qoǵamdyq-saıası erekshelikterin bir arnaǵa toǵystyratyn jańa qurylym zańnamalyq bastama kóterý quqyǵyna ıe bolady. Shyn máninde, bul – biregeı organ. Osylaısha, qysqa ýaqyttyń ishinde bıliktiń barlyq negizgi ınstıtýttary jańǵyryp, aldaǵy reformalarǵa tyń serpin beredi, - dedi Qasym-Jomart Toqaev.

Prezıdenttiń paıymynsha, naǵyz otanshyl azamat úshin óz halqyna adal qyzmet etýden asqan baqyt joq.

- Ult múddesi bárinen bıik turýǵa tıis. Ádiletti, Kúshti Qazaqstandy qurý – barshamyzǵa ortaq mindet. El amanatyna adal bolý – paryz. Sizder osy jolda tabandy eńbek etesizder dep senemin. Quryltaı jumysyna tabys tileımin! Qasterli Otanymyz ósip-órkendeı bersin! Qazaqstan Respýblıkasy jasasyn! - dep túıindedi sózin Memleket basshysy.

Sessııa barysynda Memleket basshysy Quryltaı bılik júıesin túbegeıli jańǵyrtatynyn atap ótti.