Prezıdent ǵylymǵa qosqan úlesi úshin memlekettik nagradalar berdi

Prezıdent Qazaqstan Respýblıkasynyń ál-Farabı atyndaǵy ǵylym men tehnıka, A.Baıtursynuly atyndaǵy gýmanıtarlyq ǵylymdar salasyndaǵy 2025 jylǵy memlekettik syılyqtaryn berý týraly Jarlyqqa qol qoıdy. Bul týraly Aqorda málim etti.

Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2025 jylǵy memlekettik syılyǵy:

• «Qazaqstan Respýblıkasynyń gıdrogeologııalyq kartalar atlasy» taqyryby boıynsha jumysy úshin: «Ý.M. Ahmedsafın atyndaǵy Gıdrogeologııa jáne geoekologııa ınstıtýty» jaýapkershiligi shekteýli seriktestiginiń dırektory, geologııa-mıneralogııa ǵylymdarynyń doktory, professor Mális Qudysuly Ábsámetovke;
• «AlmatyGıdroGeologııa» jaýapkershiligi shekteýli seriktestiginiń bas dırektory Rahmatýlla Aıazbaevqa;
• «Q.I. Sátbaev atyndaǵy Qazaq ulttyq tehnıkalyq zertteý ýnıversıteti» kommertsııalyq emes aktsıonerlik qoǵamynyń ǵylym jáne korporatıvtik damý jónindegi prorektory, tehnıka ǵylymdarynyń kandıdaty, professor Erjan Itemenuly Kóldeevke;
• «Ý.M. Ahmedsafın atyndaǵy Gıdrogeologııa jáne geoekologııa ınstıtýty» jaýapkershiligi shekteýli seriktestigi dırektorynyń ǵylym jónindegi orynbasary, geologııa-mıneralogııa ǵylymdarynyń kandıdaty Ermek Jámshıtuly Murtazınge;
• «Ý.M. Ahmedsafın atyndaǵy Gıdrogeologııa jáne geoekologııa ınstıtýty» jaýapkershiligi shekteýli seriktestigi óńirlik gıdrogeologııa jáne geoekologııa zerthanasynyń bas ǵylymı qyzmetkeri, geologııa-mıneralogııa ǵylymdarynyń kandıdaty Vladımır Aleksandrovıch Smolıarǵa;

«Kondıtsııalyq emes túcti metallýrgııanyń shıkizatynan joǵary sapaly selen alýdyń ekologııalyq qaýipsiz vakýým-termııalyq tehnologııasyn daıyndaý jáne onyń ónerkásiptik óndirisin uıymdastyrý» taqyryby boıynsha jumysy úshin: 

• «Metallýrgııa jáne ken baıytý ınstıtýty» aktsıonerlik qoǵamynyń bas dırektory – basqarma tóraǵasy, tehnıka ǵylymdarynyń doktory, professor Baqdáýlet Kenjáliuly Kenjálıevke;
• «Metallýrgııa jáne ken baıytý ınstıtýty» aktsıonerlik qoǵamynyń vakýýmdyq protsester zerthanasynyń bas ǵylymı qyzmetkeri, tehnıka jáne fızıka-matematıka ǵylymdarynyń doktory, professor Valerıı Nıkolaevıch Volodınge;
• «Qazaqmys korporatsııasy» jaýapkershiligi shekteýli seriktestiginiń keshendi tehnologııalardy damytý jáne ınvestıtsııalardy josparlaý departamentiniń dırektory, tehnıka ǵylymdarynyń doktory Erjan Arystanbekuly Ospanovqa;
• «Metallýrgııa jáne ken baıytý ınstıtýty» aktsıonerlik qoǵamy bas dırektorynyń orynbasary, vakýýmdyq protsester zerthanasynyń jetekshi ǵylymı qyzmetkeri, tehnıka ǵylymdarynyń kandıdaty, professor Sergeı Anatolevıch Trebýhovqa;
• «Qazaqmys korporatsııasy» jaýapkershiligi shekteýli seriktestiginiń keshendi tehnologııalardy damytý jáne ınvestıtsııalardy josparlaý departamenti tehnogendik shıkizatty keshendi qaıta óńdeý basqarmasynyń bastyǵy Aleksandr Aleksandrovıch Shahalovqa berildi. 

Qazaqstan Respýblıkasynyń A.Baıtursynuly atyndaǵy gýmanıtarlyq ǵylymdar salasyndaǵy 2025 jylǵy memlekettik syılyǵy:

«Qazaqstan arheologııasy. Derekter men zertteýler» serııalyq basylymy» taqyryby boıynsha jumysy úshin:

«Á.H. Marǵulan atyndaǵy Arheologııa ınstıtýty» sharýashylyq júrgizý quqyǵyndaǵy respýblıkalyq memlekettik kásipornynyń bas ǵylymı qyzmetkeri, tarıh ǵylymdarynyń doktory, professor Zaınolla Samashevke;

«Qazaqstannyń úzilissiz memlekettiligi tarıh tolqynynda. XV – XIX ǵasyrlardaǵy eýropalyq jáne amerıkalyq kartalaryndaǵy Qazaq Memleketi» taqyrybyndaǵy jumysy úshin:

 «L.N. Gýmılev atyndaǵy Eýrazııa ulttyq ýnıversıteti» kommertsııalyq emes aktsıonerlik qoǵamynyń Zamanaýı zertteýler ǵylymı-zertteý ınstıtýtynyń dırektory, fılologııa ǵylymdarynyń kandıdaty, fılosofııa doktory (PhD), professor Muhıt-Ardager Qarjaýbaıuly Sydyqnazarovqa berildi.

Aıta keteıik, buǵan deıin Respýblıka kúni qarsańynda Prezıdent bir top azamatty memlekettik nagradamen marapattady.