Prezıdent Grýzııanyń Іshki ister mınıstri Gela Geladzeni qabyldady
ASTANA. KAZINFORM — Memleket basshysy Grýzııanyń Іshki ister mınıstri Gela Geladzeni qabyldady. Bul týraly Aqorda málim etti.
Áńgimelesý barysynda quqyqtyq tártipti qamtamasyz etý jáne qylmysqa qarsy kúres baǵyttaryndaǵy ekijaqty yntymaqtastyqtyń ózekti máseleleri talqylandy.
— Prezıdent Grýzııa elimizdiń Ońtústik Kavkazdaǵy mańyzdy ári senimdi seriktesi sanalatynyn atap ótti. Sondaı-aq eki memleket arasyndaǵy qarym-qatynastyń ýaqyt tezinen ótken tarıhı tamyrlastyqqa qurylǵanyna toqtaldy, — delingen habarlamada.
Gela Geladze Qasym-Jomart Toqaevqa sheteldik týrısterdiń, sonyń ishinde Qazaqstan azamattarynyń qaýipsizdigin saqtaý boıynsha grýzııalyq quqyq qorǵaý organdarynyń atqaryp jatqan jumysy jóninde málimet berdi.
Qazaqstan men Grýzııa ishki ister mınıstrlikteri uıymdasqan qylmysqa, esirtki tasymaldaýǵa, kıberqylmysqa jáne ekstremızmge qarsy kúres, sondaı-aq ozyq tájirıbeler almasý, maman daıarlaý baǵyttarynda ózara yqpaldastyqty nyǵaıtýǵa nıetti.
Kezdesýde Memleket basshysy Grýzııa Prezıdenti Mıhaıl Kavelashvılı men Premer-mınıstr Iraklıı Kobahıdzege sálemin joldady.
Eske sala keteıik, buǵan deıin Prezıdent Saýd Arabııasynyń Koroli men Taq muragerine quttyqtaý jedelhattaryn joldaǵan bolatyn.