Prezıdent grantyn ıelengen stýdent «ydyraıtyn ydys-aıaq» óndirýdi usynady

QOSTANAI. QazAqparat – Qostanaılyq stýdent Ezdar Beısenov Prezıdent grantyn jeńip alǵan 30 jas qazaqstandyqtyń qataryna kirdi, dep habarlaıdy QazAqparat tilshisi.

Qostanaı joǵary polıtehnıkalyq kolledjiniń stýdenti Ezdar Beısenov «Ekotrend: bıologııalyq ydyraıtyn ydys-aıaq» jobasy úshin Prezıdent grantyn ıelendi.

Qostanaılyqtyń jobasy ekologııalyq taza jáne tez ydyraıtyn ydys-aıaq óndirýge baǵyttalǵan, sonymen qatar Qazaqstan men búkil álemniń qorshaǵan ortasyna tıetin zııandy azaıtady.

«Birinshi kezekte, meniń jobam ekologııalyq mádenıet jáne ydyraý merzimi qysqa ekologııalyq materıaldardy nasıhattaý týraly. Grantqa keletin bolsam, bul – men úshin jaqsy tájirıbe, bári joǵary deńgeıde ótti. Árıne, tolqydym», - dedi Ezdar.

Jeńip alǵan 3 mıllıon teńgesin Ezdar óziniń jobasyn damytýǵa jumsaıdy.

Óńirdiń bilim basqarmasy Ezdardyń jeńiske jetýine onyń ustazdary J.D. Kontrobaeva men V.V. Zadorojnıýktyń kásibıligi men joǵary ustazdyq sheberligi yqpal etkenin aıtty.

Eske salaıyq, 8 jeltoqsan kúni Memleket basshysy Qasym-Jomart Toqaev «Táýelsizdik urpaqtary» grantynyń ıegerlerin marapattaǵan bolatyn.

Avtory: Janna Musabekova