Prezıdent ǵylymı zertteýlerdi damytý boıynsha tapsyrma berdi
ASTANA. KAZINFORM – Memleket basshysy Ǵylym jáne joǵary bilim mınıstri Saıasat Nurbekti qabyldady. Bul týraly Aqordanyń baspasóz qyzmeti habarlady.
Prezıdentke vedomstvo qyzmetiniń basym baǵyttary men ǵylym jáne joǵary bilim salalaryndaǵy strategııalyq bastamalardy júzege asyrý barysy baıandaldy.
Saıasat Nurbek:
jańa Konstıtýtsııanyń bilim jáne ǵylym salalaryndaǵy áleýeti jaıynda málimet berildi.
adam kapıtalyn damytatyn ekojúıe qurý sharalary men talanttardy úzdiksiz qoldaý tetigin tanystyrdy.
eńbek naryǵyn zertteý nátıjeleri men 2030 jylǵa deıingi mamandarǵa suranys boljamyn usyndy.
Joǵary bilimniń qoljetimdiligin keńeıtý sharalaryna, sonyń ishinde «Keleshek» mehanızmi men salany qarjylandyrýdyń jańa modelin engizýge basa nazar aýdaryldy.
AI-Sana ulttyq qozǵalysyn ilgeriletý jáne AI-Enabled University ındýstrııa ýnıversıtetin iske qosý jaıynda baıandady.
Jańa tıptegi bul joba bilim berý men óndiris úderisine jasandy ıntellektini paıdalanady.
ınnovatsııalyq klasterler men ǵylym qalashyqtary sııaqty ǵylymı-óndiristik aımaqtardy qurý josparymen bólisti.
DeepTech pen kúrdeli óndiristerdi damytý modeline kóshý júıeli túrde qolǵa alynǵanyn jetkizdi.
Munda joǵary oqý oryndary men oblys ákimdikteriniń ózara baılanysy aıryqsha mánge ıe. Bul tehnologııalyq mindetter men keleshegi zor baǵyttardy anyqtaýǵa jol ashady.
Atalǵan mehanızm aıasynda ǵylymı-zertteý jáne tájirıbelik-konstrýktorlyq jumystar júrgiziledi, ónerkásip úlgileri jasalyp, óndiris iske qosylady.
Ǵylymı saıasatty jetildirýdi kózdeıtin reformalar jalǵasyp jatyr. Mınıstrlik ǵalymdardy memleket tarapynan qoldaýǵa, granttar men syılyqtar berýge, ǵylymı taǵylymdamaǵa jiberýge, sondaı-aq jas ǵalymdardy baspanamen qamtýǵa erekshe mán beredi.
Memleket basshysy:
joǵary bilim sapasyn arttyrý, ǵylymı zertteýlerdi damytý jáne olardy kommertsııalandyrý, ınnovatsııalyq qyzmetti yntalandyrý, ınfraqurylym men sheteldik ýnıversıtet fılıaldarynyń jumysyn jetildirý boıynsha birqatar tapsyrma berdi.
Aıta ketelik keshe Prezıdent Saýd Arabııasy Koroldiginiń elshisin qabyldaǵan edi.