Prezıdent ǵylym qalashyqtaryn damytý máselelerine nazar aýdardy

— Bilikti ınjenerlik-tehnıkalyq kadrlardy daıarlaýǵa basa nazar aýdarǵan jón. Bul rette negizgi jaýapkershilik joǵary oqý oryndaryna júkteledi. Ulttyń zııatkerlik qýaty dál osy bilim ordalarynda qalyptasady.

Ýnıversıtetter óz mıssııasyn adal atqarsa, bilikti mamandar men kásibı kadrlardyń qatary arta túseri sózsiz.

Budan bólek, ǵylym qalashyqtaryna jáne qarqyndy damıtyn qalalarǵa jańa tehnologııa engizýdi jolǵa qoıýymyz kerek. Qazir Kýrchatov qalasyna ǵylym qalashyǵy mártebesin berý úshin naqty jumys júrgizilip jatyr, — dedi Memleket basshysy.

Investorlardy osyndaı damý ortalyqtaryna qarjy salýǵa yntalandyrý qajet. Bul da — Úkimettiń ózekti mindetteriniń biri.

— Toqeterin aıtsaq, alda atqaratyn sharýa kóp. Shıraq qımyldap, tııanaqty jumys isteýimiz kerek. Ǵylym salasyndaǵy kúrdeli máselelerdi memleket pen ǵylymı qaýymdastyq kúsh jumyldyryp, birlese sheshedi dep oılaımyn, — dedi ol.

Aıta ketelik Prezıdent elimiz úshin qoldanbaly ǵylymdy damytý — asa mańyzdy mindet ekenin aıtqan edi.