Prezıdent: Geosaıası syn-tegeýrinderge qaramastan AÓSShK serpindi damyp keledi

ASTANA. QazAqparat – QR Prezıdenti Qasym-Jomart Toqaev Azııadaǵy ózara is-qımyl jáne senim sharalary jónindegi keńestiń VI sammıtine kelgen resmı meımandarǵa alǵys bildirdi, dep habarlaıdy QazAqparat tilshisi.

«Qazaqstanǵa kelip, osynaý deńgeıi joǵary otyrysqa qatysý týraly shaqyrýymdy qabyldaǵandaryńyz úshin kóp rahmet. Men AÓSShK 30 jyldyǵyna oraı ótip jatqan ashyq sammıtti jarııalaý qurmetine ıe boldym. 1992 jyly AÓSShK qurylǵany týraly jarııalanǵannan beri uıym uzaq joldan ótti. Ol halyqaralyq progreske elderdiń yntymaqtastyq rýhynda qurylǵan kúshti tıimdi seriktestik arqyly ǵana qol jetkizýge bolady degen berik senimniń arqasynda paıda boldy»,- dedi Memeleket basshysy.

Prezıdenttiń paıymynsha, qazirgi geosaıası syn-tegeýrinderge qaramastan, AÓSShK serpindi damýyn jalǵastyryp keledi.

«Qazaqstan uıymǵa tóraǵalyq etý arqyly Azııadaǵy ózara senim men qaýipsizdikke baǵyttalǵan dıalog pen yntymaqtastyqty odan ári ilgeriletýge nıetti. Múshe memleketterge olardyń turaqty qoldaýy men AÓSShK protsesterine baǵa jetpes úlesi úshin zor rızashylyǵymdy bildirgim keledi»,- dedi Qasym-Jomart Toqaev.