Prezıdent geologııalyq aqparattyń ashyqtyǵyna jaýaptylardyń áreketin sabotajǵa teńedi
«Jer qoınaýyn ıgerý jobasyn jasaqtaýǵa salynatyn ınvestıtsııalardy yntalandyrsaq degen josparymyz bar. Eldegi geologııa salasyndaǵy jumystardyń tıimdiligi men ashyqtyǵyn qamatamsyz etý – mańyzdy mindet. Biz bul jaıynda kóp aıtyp júrmiz, tipti jeke mınıstrlik te qurdyq. Alaıda, ashyqtyqtyń bolmaýy, sheshimderdi kýlýarda qabyldaý búginge deıin salanyń damýyn tejep otyr. Al, geologııalyq aqparatqa joly ashyq adamdar baıyp jatyr», - dedi Memleket basshysy.
Prezıdenttiń paıymynsha, resýrsqa baı telimderdiń tańdaýlylar men pysyqaılarǵa «kilem astynan» úlestirilýine jol berýge bolmaıdy.
«Úkimet birneshe jyldan beri mıneraldyq resýrstardyń tsıfrlandyrylǵan ashyq geologııalyq málimeti bar bankin qurýǵa ýáde berip keledi. Tıisti qarajat bólindi de. Biraq, osy bir mańyzdy tapsyrma áli kúnge deıin oryndalmaı otyr jáne túrli syltaýlarmen sozbalańǵa salynyp ketti. Jumsaqtap aıtsaq, másele kásibıliktiń tómendiginde. Qatty aıtsaq, qasaqana sabotaj deýge bolady. Qaısysy bolsa da, saldary oryndaýshylar úshin ońaı bolmaıdy», - dedi Qasym-Jomart Toqaev.
Aıta keteıik, Úkimettiń keńeıtilgen otyrysynda Prezıdent úsh birdeı mınıstrge sógis jarııalady. Qant tapshylyǵyn retteı almaǵan Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke jáne kıik sanyna qatysty máseleni ońtaıly sheshe almaǵany úshin Ekologııa, geologııa jáne tabıǵı resýrstar mınıstri Serikqalı Brekeshevke.
