Prezıdent fýtbol ardagerin «Dostyq» ordenimen marapattady
NUR-SULTAN. QazAqparat - Almatylyq «Qaırat» fýtbol klýbynyń ardageri Evstafıı Pehlevanıdı «Dostyq» ordenimen marapattaldy, dep habarlaıdy QazAqparat.
Bul jaıynda Qazaqstan Prezıdenti Qasym-Jomart Toqaev óziniń Twitter paraqshasynda jazdy.
«Almatylyq «Qaırattyń» aty ańyzǵa aınalǵan shabýylshysy, búginde 60 jyldyq mereıtoıyn atap ótip jatqan Evstafıı Pehlevanıdı ekinshi dárejeli «Dostyq» ordenimen marapattaldy. Ol qazaqstandyq fýtboldyń damýyna jáne kópshilikke tanylýyna, sonymen qatar Qazaqstan men Grekııa arasynda dostyq qarym-qatynastyń qalyptasýyna qomaqty úles qosty» dep jazdy Memleket basshysy.
