Prezıdent Frantsııa halqyn Bastılııany alý kúnimen quttyqtady
ASTANA. KAZINFORM – Memleket basshysy Frantsııa Prezıdentine quttyqtaý jedelhatyn joldady, dep habarlaıdy Aqorda
Qasym-Jomart Toqaev Emmanıýel Makrondy ulttyq mereke – Bastılııany alý kúnimen quttyqtady.
Prezıdenttiń aıtýynsha, bul ataýly kún frantsýz halqynyń birligin jáne erkindik pen teńdik qaǵıdattaryna beıil ekenin aıshyqtaıdy.
Memleket basshysy Qazaqstannyń Frantsııamen strategııalyq seriktestikti odan ári nyǵaıtýǵa basa mán beretinin atap ótti.
Qasym-Jomart Toqaev eki el arasyndaǵy san qyrly yntymaqtastyqtyń damý qarqynyna kóńili tolatynyn jetkizip, qazaq-frantsýz baılanystarynyń keńeıýine Emmanıýel Makron aıryqsha úles qosqanyn aıtty.
Prezıdent Frantsııa kóshbasshysynyń jaýapty memlekettik qyzmetine tabys, al dostas eldiń halqyna baq-bereke tiledi.
Aıta keteıik, Qazaqstan Prezıdenti Qatar Ámiri sheıh Támım ben Hamad Ál Tánımen kezdesip, kóńil aıtty.
