Prezıdent: Forbes tizimine kiretin iri kásipkerler ár oblysqa, aýdanǵa, eldi mekenge bekitiledi
QOSTANAI. KAZINFORM — Memleket basshysy Qostanaı oblysyna jumys sapary barysynda sý tasqyny saldaryn eńserýge járdemdesken bıznes ókilderimen jáne eriktilermen júzdesý barysynda sý tasqynynan zardap shekken halyqqa naqty kómek kórsetý isinde bıznesmenderdiń róli zor ekenine aıryqsha nazar aýdardy. Bul týraly Aqordanyń baspasóz qyzmetá málim etti.
– Bizdiń elimizde Forbes tizimine kiretin iri kásipkerler bar. Olarmen arnaıy kezdesemiz. Olar ár oblysqa, aýdanǵa, eldi mekenge bekitiledi jáne naqty jaýapkershilik júkteledi. Bul bir jaǵynan kásipkerlerdiń múddesine saı keledi. Óıtkeni olar ózderiniń qosqan úlesiniń naqty nátıjesin kóretin bolady. Halqyna qaıyrymdylyq jasaǵan azamat retinde Sizderdiń de esimderińiz memleket tarapynan eleýsiz qalmaıdy dep oılaımyn, – dedi Qasym-Jomart Toqaev.
