Prezıdent Fınlıandııa halqyn Táýelsizdik kúnimen quttyqtady
ASTANA. KAZINFORM — Memleket basshysy Fınlıandııa Prezıdentin quttyqtady. Bul týraly Aqorda málim etti.
— Qasym-Jomart Toqaev Prezıdent Aleksandr Stýbbqa Fınlıandııanyń Táýelsizdik kúnine oraı quttyqtaý jedelhatyn joldady. Prezıdent hatta Sýomı udaıy ekonomıkalyq órleý, áleýmettik ádildik jáne ekologııalyq ornyqtylyqty tıimdi ushtastyryp kele jatqan el ekenin atap ótken. Sondaı-aq Fınlıandııa Prezıdentiniń taıaýda Astanaǵa jasaǵan sapary ekijaqty qarym-qatynasqa tyń serpin berip, elderimiz arasyndaǵy yntymaqtastyqty nyǵaıtýda naqty nátıjelerge jetýge múmkindik bergenine toqtalǵan. Qasym-Jomart Toqaev Aleksandr Stýbbtyń jaýapty memlekettik qyzmetine tolaǵaı tabys, al dostas fın halqyna baq-bereke tiledi, — delingen habarlamada.
Eske sala keteıik, buǵan deıin Memleket basshysy Maha Vachıralongkorndy Taıland Koroldiginiń Ulttyq merekesimen quttyqtaǵan edi.