Memleket basshysy Fılıppın Prezıdentine kóńil aıtý jedelhatyn joldady

ASTANA. KAZINFORM — Qasym-Jomart Toqaev «Kalmaegı» taıfýnynyń saldarynan kóptegen adamnyń qaza tabýyna baılanysty Fılıppın Prezıdenti Ferdınand Markosqa kóńil aıtty. Bul týraly Aqorda málim etti.

— Memleket basshysy qaıtys bolǵan azamattardyń otbasylaryna kóńil aıtyp, zardap shekkenderdiń tezirek saýyǵyp ketýine tilektestik bildirdi, — delingen habarlamada.

Eske sala keteıik, bıylǵy jyldaǵy eń qýatty taıfýndardyń biri Fılıppın ortalyǵyna soqqy bergendikten, 66 adam qaza taýyp, júz myńdaǵan adam úıin tastap ketýge májbúr boldy. 

Resmı túrde rastalǵan qurbandardyń arasynda Sebýdiń ońtústigindegi Mındanao aralynda apatqa ushyraǵan áskerı tikushaqtyń alty ekıpaj múshesi bar. Ol qutqarý jumystaryna qatysý úshin jiberilip, seısenbi kúni Agýsan-del-Sýr aýdanynda apatqa ushyrady. Bul operatsııaǵa qatysqan tórt tikushaqtyń biri ekeni habarlandy.