Prezıdent Eýropa Odaǵynyń Ortalyq Azııa jónindegi arnaıy ókilin qabyldady
ASTANA. KAZINFORM — Memleket basshysy Eýropa Odaǵynyń Ortalyq Azııa jónindegi arnaıy ókili Edýards Stıpraısty qabyldady. Bul týraly Aqordanyń baspasóz qyzmeti habarlady.
Qasym-Jomart Toqaev mártebeli meımanǵa iltıpat tanytyp, Qazaqstannyń negizgi ári senimdi seriktesteriniń biri Eýropa Odaǵymen kópjosparly yqpaldastyqty odan ári nyǵaıtý mańyzdy ekenin atap ótti.
Prezıdent osydan 10 jyl buryn qabyldanǵan keńeıtilgen seriktestik pen yntymaqtastyq jónindegi kelisim eki jaqty-qarym-qatynastyń aıtýly kezeńi dep sanaıdy.
Memleket basshysy Ortalyq Azııa elderi men Eýropa Odaǵy arasyndaǵy belsendi jáne konstrýktıvti dıalogqa joǵary baǵa berdi.
Edýards Stıpraıs Eýropa Odaǵy Qazaqstanmen yntymaqtastyqty odan ári tereńdetýge beıil ekenin málimdep, ekijaqty jáne óńirlik kún tártibindegi yqpaldastyqtyń qarqyny arta beretinine senim bildirdi.
Aıta ketelik Qasym-Jomart Toqaev birqatar memleket elshilerinen senim gramotalaryn qabyldaǵan edi.