Prezıdent Eýropalyq Odaq kóshbasshylarymen kelissóz júrgizýge bardy
ASTANA.KAZINFORM — Prezıdent Qasym-Jomart Toqaev Eýropalyq Odaq kóshbasshylarymen kelissóz júrgizý úshin «Eýropa» ǵımaratyna bardy. Bul týraly Aqordanyń baspasóz qyzmeti málim etti.
Eske sala keteıik, Memleket basshysy Brıýsselge resmı saparmen bardy.
Resmı sapary barysynda Qasym-Jomart Toqaev Eýropalyq keńes Prezıdenti Antonıý Koshtamen beıresmı kezdesý ótkizdi.
Qazaqstan Prezıdenti Qasym-Jomart Toqaev pen Belgııa Premer-mınıstri Bart de Vevermen kezdesip, eki el yntymaqtastyǵynyń qazirgi jaı-kúıi men perspektıvasyn talqylap, saıası dıalogty nyǵaıtý, saýda-ekonomıkalyq jáne ınvestıtsııalyq baılanystardy damytýǵa aıryqsha nazar aýdardy.
Memleket basshysy Belgııany Qazaqstannyń Eýropalyq Odaqtaǵy basty seriktesteriniń biri retinde atady. Qasym-Jomart Toqaevtyń aıtýynsha, ekonomıkalyq yqpaldastyqtyń qarqyny budan da zor áleýetke ıe. Belgııa Qazaqstan ekonomıkasyna qarjy quıǵan 10 jetekshi ınvestordyń qataryna kiredi. Sońǵy 20 jylda atalǵan elden kelgen tikeleı ınvestıtsııanyń jalpy kólemi 15 mıllıard dollardy qurady. Ózara saýda aınalymy da turaqty túrde ósip keledi. Onyń kólemi byltyr 580 mıllıon dollardan asty.
