Prezıdent Eýrazııalyq yqpaldastyqqa «qyrǵı-qabaq soǵysy» ýaqytyndaǵy lınzamen qaramaýǵa shaqyrdy

Bul týraly búgin Elbasy Nursultan Nazarbaev Astanadaǵy Eýrazııa medıa forýmynda aıtty.

«Qazaqstan óńirlik damý máselelerine jaýapkershilikpen qaraıdy. Sondyqtan da Reseı Federatsııasymen jáne Belarýs Respýblıkasymen birge Eýrazııalyq ekonomıkalyq odaqty qurýǵa daıyndyq jumystaryn júrgizýdemiz. Búginde álemde Eýrazııalyq yqpaldastyqqa «qyrǵı-qabaq» ýaqytyndaǵy bulyńǵyr ári kónergen lınzalar arqyly qaraıtyn saıasatkerler men sarapshylar bar. Alaıda, bul shyndyqty burmalaıtyn eski optıka»,-dedi N. Nazarbaev.

Bul turǵyda Prezıdent úsh eldiń ózderiniń taýar naryǵyn, qyzmet pen jumys kúshin biriktirý umtylysynan barsha jahandyq ekonomıka utatynyn tilge tıek etti.

Sóz sońynda Elbasy osy jerde qaýipsiz, senimdi, qysqa transeýrazııalyq magıstraldarymen turaqty ekonomıkalyq areal qalyptasatynyn atap ótti.