Prezıdent: Eýrazııalyq ıntegratsııanyń tıimdiligi «tórt erkindik» qaǵıdatyn saqtaýǵa tikeleı baılanysty
«Bizdiń ıntegratsııalyq seriktestigimizdiń tıimdiligi «tórt erkindik» qaǵıdatyn saqtaýǵa tikeleı baılanysty. Solardyń biri – taýar ótkizý erkindigi. Bizdiń ortaq kedendik aýmaǵymyz arqyly tranzıtpen ótetin qazaqstandyq jáne qazaqstandyq emes júkterdiń de tasymaly shekteýdiń, kvotalaý men keshiktirýdiń búkil faktilerin joıý qajet dep sanaımyn.
Mundaı shekteýler Eýrazııalyq ekonomıkalyq odaq sheńberindegi ekonomıkalyq yntymaqtastyqtyń maqsaty men rýhyna sáıkes kelmeıdi. Eń bastysy, olar bizdiń ekonomıkalyq ıntegratsııamyzdyń áleýetin iske asyrýdy shekteıdi», - dedi Memleket basshysy Bishkekte ótip jatqan Joǵary Eýrazııalyq ekonomıkalyq keńestiń otyrysynda.
Sondaı-aq, Prezıdent tasymaldaýdy qadaǵalaý úshin júk qozǵalysyn qadaǵalaıtyn plomba qoldaný týraly kelisimniń kúshine enýin jedeldetý qajet dep esepteıdi.
«Mundaı shara tsıfrlandyrýdyń ıntegratsııalyq protsesterge oń yqpalyna jaqsy úlgi bolar edi. Bul kelisimdi jedel ratıfıkatsııalap, kelisim aıasynda memlekettik baqylaý sharalaryn qysqartý ekonomıkalyq odaqtyń kólik-tranzıttik, kásipkerlik áleýetin aıtarlyqtaı keńeıtedi dep topshylaımyn.
Kelisimdi jedel ratıfıkatsııalaý atalǵan máselelerdi sheshýge yqpal etedi dep oılaımyn», - dedi Qasym-Jomart Toqaev.
Buǵan deıin Prezıdent Qasym-Jomart Toqaevtyń Joǵary Eýrazııalyq ekonomıkalyq keńesiniń otyrysyna qatysý úshin Bishkek qalasyna jumys saparymen barǵany habarlanǵan edi.
Foto: t.me/bort_01
