Prezıdent Eýrazııalyq ekonomıkalyq komıssııa alqasynyń tóraǵasyn qabyldady

ASTANA. KAZINFORM – Prezıdent Qasym-Jomart Toqaev Eýrazııalyq ekonomıkalyq komıssııa alqasynyń tóraǵasy Baqytjan Saǵyntaevty qabyldady. 

Memleket basshysyna Eýrazııalyq ekonomıkalyq komıssııanyń qyzmetindegi basym baǵyttar jóninde baıandaldy.

Kezdesý barysynda Eýrazııalyq ekonomıkalyq odaqtyń qazirgi jaı-kúıi jáne onyń odan ári damý perspektıvalary talqylandy.

Sondaı-aq Qasym-Jomart Toqaevqa 26 jeltoqsan kúni Sankt-Peterbýrg qalasynda ótetin Joǵary Eýrazııalyq ekonomıkalyq keńestiń kezekti otyrysyna ázirlik barysy týraly aqparat berildi.