Prezıdent Eýrazııalyq ekonomıkalyq komıssııa alqasynyń tóraǵasy Baqytjan Saǵyntaevty qabyldady
ASTANA. KAZINFORM - Memleket basshysyna EEK qyzmetiniń basty baǵyttary jáne Qazaqstannyń 2026 jyly Eýrazııalyq ekonomıkalyq odaq organdaryna tóraǵalyǵy barysynda iske asyrylatyn jobalar jaıynda baıandaldy.
Aqordanyń habarlaýynsha, kezdesýde sondaı-aq Prezıdentke EAEO aıasynda jasandy ıntellektini jaýapkershilikpen damytý jónindegi Birlesken málimdemeni ázirleý jumystarynyń aıaqtalǵany týraly aıtyldy.
Qujat ekonomıka salasyndaǵy jasandy ıntellekt tehnologııalaryn damytý boıynsha ıntegratsııalyq birlestik elderi yntymaqtastyǵynyń negizgi baǵyttaryn aıqyndaıdy.
Budan bólek, Qasym-Jomart Toqaevqa 28-29 mamyr kúnderi Astanada ótetin Joǵary Eýrazııalyq ekonomıkalyq keńestiń kezekti otyrysyna jáne V Eýrazııalyq ekonomıkalyq forýmǵa daıyndyq barysy týraly aqparat berildi.
Osyǵan deıin Qasym-Jomart Toqaev Sinovation Ventures jáne 01ai kompanııalarynyń bas dırektoryn qabyldaǵan bolatyn.
