Prezıdent: Etnosaralyq qatynasqa qatysty kez kelgen arandatýdyń jolyn kesemiz

ASTANA. QazAqparat – Etnosaralyq kelisim saıasatynda sóz ben is bir jerden shyǵýǵa tıis. Bul týraly Qazaqstan halqy Assambleıasynyń HHHІІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Assambleıanyń saıası partııalarmen jáne memlekettik organdarmen ózara qarym-qatynasyn kúsheıtý kerek. Bul jumysty ortalyqta jáne aımaqtarda júrgizgen jón. Biz aýqymdy saıası reformalardyń nátıjesinde shynaıy pikir alýandyǵyna qol jetkizdik. Árıne, ár saıasatkerdiń óz pikiri bolýy oryndy. Elimizdi damytý, kúndelikti máselelerdi sheshý týraly kózqarastar únemi birdeı bola bermeıdi. Bul – túsinikti», - dedi Memdeket basshysy.

Prezıdent alaıda el birligin saqtaýǵa kelgende judyryqtaı jumyla bilýimiz kerektigin basa aıtty.

«Etnosaralyq kelisim saıasatynda sóz ben is bir jerden shyǵýǵa tıis. Assambleıa saıası partııalarmen aqyldasyp, keńesip otyrýy qajet. Sonda birligimizdi nyǵaıtamyz. Etnosaralyq qatynasqa qatysty kez kelgen arandatýdyń jolyn kesemiz», - dedi Qasym-Jomart Toqaev.