Qasym-Jomart Toqaev Estonııa Prezıdentin Táýelsizdik kúnimen quttyqtady

ASTANA. KAZINFORM — Memleket basshysy Estonııa Prezıdentin Táýelsizdik kúnimen quttyqtady . Bul týraly Aqordanyń baspasóz qyzmeti habarlady. 

Prezıdent quttyqtaý jedelhatynda Alar Karıstiń byltyr Qazaqstanǵa jasaǵan memlekettik sapary ózara yntymaqtastyqty damytýǵa tyń serpin berip, eki el arasyndaǵy saıası, saýda-ekonomıkalyq jáne mádenı-gýmanıtarlyq baılanysty nyǵaıtýǵa yqpal etkenine toqtalǵan.

Qasym-Jomart Toqaev Alar Karıstiń jaýapty memlekettik qyzmetine tolaıym tabys, al dostas eston halqyna baq-bereke tiledi.

Aıta ketelik Prezıdent Ortalyq referendým komıssııasynyń tóraǵasy Nurlan Ábdirovti qabyldaǵan edi.