Prezıdent esirtki bıznesine qarsy kúres týraly keshendi jospardy jańartýdy tapsyrdy

BÝRABAI. KAZINFORM –  Nashaqorlyqqa jáne esirtki bıznesine qarsy kúres týraly keshendi jospardy ázirleýge qazirden bastap kirisý kerek.  Memleket basshysy Qasym-Jomart Toqaev Ulttyq quryltaıdyń IV otyrysynda osyndaı tapsyrma berdi.

- Nashaqorlyqqa jáne esirtki bıznesine qarsy kúres týraly keshendi jospardyń merzimi bıyl bitedi. Bul qujat 2023 jyly ázirlengen. Mundaı jospar elimizge qajet ekeni anyq. Óıtkeni osy qaýipti keselge qarsy kúres – óte mańyzdy máseleniń biri. Jańa qujatty daıyndaýǵa qazirden bastap kirisý kerek. Bıyl balalardy zorlyq-zombylyqtan qorǵaý, ózine-ózi qol salýdyń aldyn alý týraly jospardyń merzimi de aıaqtalady. Biz áıelder men balalardyń quqyǵyn qorǵaý úshin naqty sharalar qabyldadyq, - dedi Qasym-Jomart Toqaev.

Sondaı-aq Prezıdent jat dinı aǵymdardyń jetegindegi jastardyń máselesine toqtaldy.

- Ótken jyly barlyq aımaqta balalardy Psıhologııalyq qoldaý ortalyqtary ashyldy. Zańdarǵa mańyzdy ózgerister engizildi. Turmystyq zorlyq-zombylyqpen kúreske qatysty zań qabyldanǵan soń ahýal birshama jaqsardy. Biraq keıbir shalǵaı aýdandarda áli kúnge deıin mundaı keleńsiz oqıǵalar tyıylmaı tur. Jat dinı aǵymnyń jeteginde júrgen adamdar jaǵdaıdy tipti ýshyqtyrýda, - dedi Memleket basshysy.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.