Prezıdent Ermek Kósherbaevqa ekonomıkalyq dıplomatııany kúsheıtýdi tapsyrdy

ASTANA. KAZINFORM — Memleket basshysy jańadan taǵaıyndalǵan Syrtqy ister mınıstri Ermek Kósherbaevty qabyldady. Bul týraly Aqorda málim etti. 

— Kezdesýde Prezıdent Qasym-Jomart Toqaev teńgerimdi syrtqy saıasatty odan ári nyǵaıtý, ulttyq múddemizdi halyqaralyq arenada belsendi ilgeriletý, ekonomıkalyq dıplomatııa men ınvestıtsııalyq seriktestikti kúsheıtý baǵytynda naqty tapsyrma berdi, — delingen habarlamada.

Memleket basshysy kópjaqty formattaǵy yqpaldastyqty jandandyrýǵa, sondaı-aq shetelde Qazaqstan azamattarynyń quqyǵy men múddesin qorǵaý jumystarynyń tıimdiligin arttyrýǵa erekshe nazar aýdardy.

Aıta keteıik, Prezıdent Alataý qalasyna arnaýly mártebe berý týraly Jarlyqqa qol qoıdy.