Prezıdent elordanyń jańa aýdandarynyń abattandyrylmaǵanyn synǵa aldy

ASTANA. QazAqparat – Myńjyldyq alleıasy bıznes pen qala turǵyndary úshin jańa tartymdy jerge aınalýǵa tıis. Bul týraly elordany damytý máseleleri jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Beıbitshilik pen kelisim saraıynan jańa vokzalǵa deıin sozylǵan elordamyzdyń strategııalyq ósi bir úlken jáne jaıly jasyl saıabaqqa aınalýy tıis. Soǵan oraı jaqyn mańdaǵy búkil kósheler men aýlalardy jaqsartý jáne abattandyrý qajet», - dedi Memleket basshysy.

Sondaı-aq, Prezıdenttiń aıtýynsha, áleýmettik nysandardyń qurylysyna jáne múmkindigi shekteýli azamattar men jastar úshin qolaıly orta qurýǵa kóńil bólý mańyzdy.

Kóportalyqty tásil aıasynda Myńjyldyq alleıasy bıznes pen qala turǵyndary úshin jańa tartymdy mekenge aınalýǵa tıis.

Kezekti usqynsyz túnemel aýdanǵa aınalmaýy kerek.

«Jalpy, elordanyń Jaǵalaý shaǵynaýdany jáne Turan dańǵylynyń batysynda qurylys nysandary sııaqty jańa aýdandar múldem abattandyrylmaǵan. Kósheler jaryqtandyrylmaǵan, trotýarlar atymen joq, saıabaqtar men alańdardy aıtpaǵannyń ózinde munda qoǵamdyq keńistikter de joq», - dedi Qasym-Jomart Toqaev.