Prezıdent elordany jaryqtandyrýda energııa únemdegish tehnologııalardy paıdalanýdy tapsyrdy
ASTANA. QazAqparat /Rýslan Ǵabbasov/ - Búgin Astananyń damýyna arnalǵan keńeste Prezıdent Nursultan Nazarbaev elordany jaryqtandyrýda energııa únemdegish tehnologııalardy paıdalanýdy tapsyrdy.
«Biz áli kúnge deıin qalada dıodty shamdardy qoıyp júrgen joqpyz. Olardy elimizde jasaıdy. Atap aıtqanda, ákimshilik ǵımarattardy dıodty shamdarǵa kóshirip, elektr energııasyn 30-40 paıyzǵa únemdeńizder. Osy oraıda halyqty da osyǵan kóshirý kerek. Kóshelerdegi jaryqtandyrýdy da osy únemdi shamdarmen jabdyqtaý qajet»,- dedi Elbasy.
Bul turǵyda Memleket basshysy Astana ınnovatsııalyq qala bolǵandyqtan, elordada barlyq ınnovatsııalyq sońǵy býyndy tehnologııalar paıdalanylýy tıis ekendigin qadap aıtty.
