Memleket basshysy Túrkııa Prezıdenti Rejep Taııp Erdoǵandy qarsy aldy
ASTANA. KAZINFORM — Qasym-Jomart Toqaev elimizge memlekettik saparmen kelgen Túrkııa Prezıdenti Rejep Taııp Erdoǵandy qarsy aldy. Bul týraly Aqorda málim etti.
— Elimizdiń shekarasyna engen sátten Astana áýejaıyna deıin Túrkııa Prezıdentiniń bortyna Qazaqstan Respýblıkasy Áýe qorǵanysy kúshteriniń ushaqtary qaptaldasa ushty. Túrkııa Prezıdentiniń kelýine oraı trap aldynda Qurmet qaraýyly rotasy sap túzedi, — dep habarlady Aqordanyń baspasóz qyzmeti.
Eki eldiń jalaýshalaryn ustaǵan balalar Rejep Taııp Erdoǵan bastaǵan Túrkııa eliniń resmı delegatsııasyna «Ata yurda hoş geldiniz!» — «Atajurtqa qosh keldińiz!» dep eki tilde qoshemet kórsetti. Sol sátte Túrkııa men Qazaqstan týlaryn jelbiretken tikushaqtar alań ústimen ushyp ótti.
Áýejaı termınalynda jas ónerpazdar Túrik eliniń kóshbasshysyna arnap «Dombyra» kompozıtsııasyn oryndady.
Eske sala keteıik, buǵan deıin Túrkııa prezıdentiniń ushaǵy Astanaǵa kelip qonǵanyn jazdyq.
