Prezıdent elimizdiń jýrnalıstıka jáne televızııa salasy mamandaryn marapattady
ASTANA. KAZINFORM – Prezıdent Qasym-Jomart Toqaev elimizdiń jýrnalıstıka jáne televızııa salasynyń damýyna eleýli úles qosqan bir top azamatty memlekettik nagradalarmen marapattady. Bul týraly Aqordanyń baspasóz qyzmeti habarlady.
Memleket basshysynyń 2024 jylǵy 25 maýsymdaǵy №153 ókimimen Qazaqstan Respýblıkasy Prezıdentiniń BAQ salasyndaǵy syılyǵy:
1. «Kazahstanskaıa pravda» respýblıkalyq gazetiniń bas redaktory – Sábıt Ǵalymuly Maldybaevqa;
2. «Turkistan» halyqaralyq gazetiniń bas redaktory – Baýyrjan Babajanuly Óteýlıevke;
3. «Interfaks-Qazaqstan» aqparattyq agenttigi» JShS bas redaktory – Elena Andreevna Preobrajenskaıaǵa;
4. «Astana aqshamy» respýblıkalyq qoǵamdyq-saıası gazetiniń shef-redaktory – Tólen Zárýbaıuly Tileýbaıǵa berildi;
Qazaqstan Respýblıkasy Prezıdentiniń BAQ salasyndaǵy granty:
1. «Qazaqstan» ulttyq telearnasy «Aqorda» baǵdarlamasynyń avtory-prodıýseri – Aqerke Baǵdabekqyzy Bektasqa;
2. «Habar» agenttigi» AQ arnaıy tilshisi – Dınara Kıikbaıqyzy Janbatyrovaǵa;
3. «Jibek joly» telearnasynyń tilshisi – Ánýar Álıuly Káribozovqa;
4. «Oral óńiri» gazeti bas redaktorynyń orynbasary – Gúlsezim Erbolatqyzy Bııashevaǵa tapsyryldy;
Qazaqstan Respýblıkasy Prezıdentiniń BAQ salasyndaǵy Alǵysy:
1. «24KZ» telearnasynyń shyǵarmashylyq ujymyna;
2. «Lıter» respýblıkalyq qoǵamdyq-saıası gazetiniń shyǵarmashylyq ujymyna;
3. «Baqkz» aqparattyq agenttiginiń shyǵarmashylyq ujymyna;
4. «Aqtóbe» oblystyq qoǵamdyq-saıası gazetiniń shyǵarmashylyq ujymyna jarııalandy.
Aqordada Prezıdent Qasym-Jomart Toqaevtyń BAQ salasy qyzmetkerlerin marapattaý rásimi ótkenin jazǵan bolatynbyz.
