Prezıdent elimizde tabysty bıznespen aınalysýǵa qolaıly jaǵdaı jasalǵanyn aıtty
ASTANA. KAZINFORM — Qasym-Jomart Toqaev bul týraly «Altyn sapa» jáne «Paryz» syılyǵynyń laýreattaryn, «Qazaqstannyń úzdik taýary» respýblıkalyq kórme-konkýrsynyń jeńimpazdaryn marapattaý rásiminde aıtty.
— Muny barlyq sheteldik baqylaýshy men maman moıyndap otyr. Kreatıvti ındýstrııa sekildi jańa sektorlardy damytý arqyly ekonomıkanyń kókjıegi keńeıedi. Halyqaralyq qarjy ınstıtýttarynyń esebine sáıkes, atalǵan segment álem boıynsha jyl saıyn 2 trıllıon dollardan asa tabys ákele alady, sondaı-aq 50 mıllıonnan astam jumys ornyn ashýǵa qaýqarly. Birqatar damyǵan elde, máselen, AQSh-ta, Ulybrıtanııada, Koreıa Respýblıkasynda kreatıvti ındýstrııa ishki jalpy ónimniń 2-den 7 paıyzǵa deıingi kólemin qalyptastyrady. Sarapshylardyń baǵalaýynsha, kreatıvti ındýstrııaǵa salynǵan ár dollar qosylǵan qunnyń 2,5 dollaryn quraıdy. Qazaqstanda kreatıvti ındýstrııany órkendetýge aıtarlyqtaı áleýet bar. Bizdiń jastarymyz óte shyǵarmashyl, olardyń minezi de, mentalıteti de soǵan saı keledi. Alaıda elimizdiń ishki jalpy ónimindegi bul sektordyń úlesi 1 paıyz ǵana, — dedi Memleket basshysy.
Aıta keteıik, Qasym-Jomart Toqaev «Altyn sapa» jáne «Paryz» syılyǵynyń laýreattaryn, «Qazaqstannyń úzdik taýary» respýblıkalyq kórme-konkýrsynyń jeńimpazdaryn marapattaý rásiminde sóz sóıledi.
