Elimiz boıynsha 2334 aýyl ákimi saılandy
ASTANA. KAZINFORM — Prezıdent Qasym-Jomart Toqaev aýyl ákimderiniń dıalog-platformasynda sóz sóılep, jergilikti ákimder búkil bılik júıesiniń tiregi sanalatynyn atap ótti.
- 2020 jyly halyqqa Joldaýymda aýyl ákimderin tikeleı saılaý týraly bastama kótergenimdi bilesizder. Bul memleketti basqarý isin túbegeıli jańǵyrtý jolyndaǵy asa mańyzdy qadam boldy. Sebebi jergilikti ákimder búkil bılik júıesiniń tiregi sanalady. Sondyqtan biz orynsyz asyǵystyqqa jol bergen joqpyz, aýyl ákimderin saılaý jumysyn 5 jyldyń ishinde birtindep júzege asyrdyq. Búkil elimiz boıynsha 2334 aýyl ákimi saılandy. Olardyń ortasha jasy – 43 jas. Jańadan saılanǵan ákimderdiń úshten biri – buryn memlekettik qyzmette bolmaǵan azamattar, - dedi Prezıdent.
Búgin Astanada aýyl ákimderiniń dıalog-platformasy ótip jatqanyn jazǵan edik.