Prezıdent elimizdiń avtokólik joldarynyń sapasyna jaýap beretin biryńǵaı operatordy qurý kerektigin aıtty

ASTANA. QazAqparat - Prezıdent elimizdiń avtokólik joldarynyń sapasy men ony kútip ustaýǵa jaýap beretin biryńǵaı operatordy qurý kerektigin aıtty. Bul týraly búgin Elbasy Nursultan Nazarbaev jańa ındýstrııalandyrý aıasyndaǵy jalpyulttyq telekópirde málim etti.

«Úkimet barsha elimizdiń jol-kólik ınfraqurylymyn damytýǵa, kútip ustaýǵa tolyq jaýap beretin biryńǵaı operatordy qurý týraly oılanýy kerek. Máselen, bizde bıyl jol salsaq, kelesi jyly joldarda shuńqyrlar paıda bolatyn jaǵdaılar kezdesedi. Budan keıin taǵy joldy jańartamyz. Osyndaı jaǵdaılarǵa jol berilmeýi tıis», - dedi Prezıdent jaýapty vedomstvolarǵa qaratyp aıtqan sózinde.

Memleket basshysy salada jumys isteıtinder jol sapasy boıynsha jaýapkershilikti umytpaýy tıis ekenin qadap aıtty.