Prezıdent Elena Rybakınany tennısten AQSh Ashyq chempıonatyndaǵy jeńisimen quttyqtady
ASTANA. KAZINFORM — Qasym-Jomart Toqaev Elena Rybakınany tennısten AQSh Ashyq chempıonatyndaǵy jeńisimen quttyqtady, dep habarlaıdy Aqordanyń baspasóz qyzmeti.
— Bul — Sizdiń álemniń birinshi raketkasy ataǵyna laıyq ekenińizdi rastaıtyn tamasha tabys. Siz taǵy da asqan sheberlik pen tabandylyq tanytyp, joǵary mádenıetińizben kópshilikti tánti ettińiz. Qazaqstan halqy jetistikterińizdi maqtan tutady. Eren jeńisińiz jańa belesterdi baǵyndyrýǵa jol ashsyn! Sizdiń kásibıligińiz Qazaqstannyń jas tennısshileri úshin úlgi-ónege, — delingen quttyqtaýda.
Aıta keteıik, Qazaqstandyq tennısshi Elena Rybakına tarıhı kezdesýde US Open-2026 chempıony atandy. Ol fınalda Belarýs ókili Arına Sobolenkony jeńip, 5,5 mln dollar kóleminde júlde qorynyń ıegeri boldy.
