Prezıdent Elena Rybakınany III dárejeli «Barys» ordenimen marapattady
ASTANA. KAZINFORM - Prezıdent Qasym-Jomart Toqaev sporttaǵy eren jetistikteri jáne Qazaqstanda tennıstiń damýy men nasıhattalýyna qosqan úlken úlesi úshin Elena Rybakınany III dárejeli «Barys» ordenimen marapattady.
Bul týraly Aqordanyń baspasóz qyzmeti habarlady.
Aıta keteıik, osyǵan deıin Prezıdent Elena Rybakınanyń tarıhı máni zor osynaý tabysy otandyq sporttyń damýyna ólsheýsiz úles qosqanyn atap ótti.
– Sizdiń jeńisterińizden keıin balalardyń tennıske qyzyǵýshylyǵy artyp, sektsııalarǵa kóptep jazylady. Olar da chempıon bolǵysy keledi. Jas órenderge ónege kórsetip otyrsyz. Bul – óte oń úrdis. Óskeleń urpaqty sportqa baýlý kerek, óıtkeni bul olardyń keleshegi úshin óte mańyzdy. Úsh birdeı Úlken dýlyǵa týrnırindegi jeńisińiz tennıs jylnamasyna óshpesteı bolyp jazyldy. Munymen toqtamaı, alda áli talaı asýdy baǵyndyrasyz dep senemin, – dedi Memleket basshysy.
