Prezıdent Elena Rybakınany álemniń birinshi raketkasy atanýymen quttyqtady
ASTANA. KAZINFORM — Memleket basshysy tennısshi Elena Rybakınany «Álemniń birinshi raketkasy» ataǵyna ıe bolýymen quttyqtady. Bul týraly Prezıdenttiń keńesshisi – baspasóz hatshysy boldy Aıbek Smadııarov jazdy.
– Siz aıryqsha talant pen tynymsyz eńbektiń jáne ózińizge degen nyq senimniń arqasynda WTA reıtınginde kósh bastap, bıik shyńdy baǵyndyrdyńyz. Osynaý tarıhı jeńisińiz qazaq sportynyń dańqyn asyrdy. Esimińiz álemdik tennıs jylnamasynan oıyp turyp oryn aldy. Sizdiń jetistikke toly jolyńyz – elimizdiń jas sportshylary men dúnıeniń túkpir-túkpirindegi mıllıondaǵan tennıs jankúıeri úshin úlgi-ónege. Sonymen qatar kortta da, qoǵamdyq oryndarda da, jurtshylyqpen qarym-qatynas barysynda da baıqalatyn joǵary mádenıetińizdi aıryqsha atap ótkim keledi. Bul – sózsiz Sizdiń parasatyńyz ben adamı qalpyńyzdyń aıqyn kórinisi, – dep jazylǵan quttyqtaýda.
Qasym-Jomart Toqaev Elena Rybakınanyń chempıondarǵa tán jalyndy rýhtan qýat alyp, jańa belesterge batyl qadam basa berýine tilektestik bildirdi.
Aıta ketelik Elena Rybakına álemniń birinshi raketkasy atanǵan edi.
