Prezıdent elektr qýatyn paıdalanýǵa berýdegi kemshilikterdi aıtty
«Energııa qýatynyń oryn alyp otyrǵan tapshylyǵyn da esten shyǵarýǵa bolmaıdy. Energııa teńgerimi josparyna sáıkes, osy jyly bir gıgavattan artyq qýatty paıdalanýǵa berýge tıis edik. Biraq, birqatar jobany júzege asyrý keıinge qaldyrylyp otyr. Bıyl josparlanǵan qýattyń tek 31 paıyzy ǵana iske qosylady», - dedi Qazaqstan Prezıdenti búgin Úkimettiń keńeıtilgen otyrysynda.
Memleket basshysynyń atap ótýinshe, energııa tapshylyǵy jaǵdaıynda mundaı qarqyn kóńil kónshitpeıdi.
«Úkimet muny túsinedi dep úmittenemin. Eldiń biryńǵaı energııa júıesiniń Ońtústik jáne Batys aımaqtarynyń elektr jelisin kúsheıtý jetkiliksiz qarqynmen júrgizilip jatyr. Qazirgi ýaqytta Batys aımaqtaǵy jumystar tek 10 paıyzǵa ǵana aıaqtalǵan. Jobalardy der ýaqytynda júzege asyrý úshin barlyq is-sharany qabyldaý qajet. Qazaqstannyń energetıkalyq qaýipsizdigi soǵan baılanysty», - Qasym-Jomart Toqaev.
