Prezıdent elektr energııasy salasyna qatysty tapsyrma berdi

ASTANA. KAZINFORM — Jańartylatyn energııa kózderine basa nazar aýdarýymyz qajet. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart Toqaev málim etti. 

energetıka
Foto: Energetıka vazırlıgı

Prezıdenttiń aıtýynsha, Qazaqstan 123 mıllıard kılovatt-saǵat elektr energııasyn óndiredi.

Qýat kóziniń mundaı kólemi ónerkásip pen qurylys salasyn, aýyl sharýshylyǵy keshenderin qarqyndy damytyp jatqan, eń bastysy, ekonomıkany jappaı tsıfrlandyrýdy, jasandy ıntellektini qoǵamnyń barlyq salasyna engizýdi jáne osyǵan baılanysty derekterdi óńdeý ortalyqtaryn salýdy josparlap otyrǵan el úshin múldem jetkiliksiz.

Sondyqtan elimiz 2029 jylǵa qaraı qýat kózin artyǵymen óndiretindeı deńgeıge jetý kerek. Bul – bizdiń aldymyzda turǵan strategııalyq mindet.

Qasym-Jomart Toqaevtyń sózine qaraǵanda, sol úshin jańa elektr stantsııalaryn salyp, qoldanystaǵy nysandar men elektr jelilerin jańǵyrtýǵa tıispiz. Sonymen qatar «taza» kómir generatsııasyn tolyqqandy damytyp, jańartylatyn qýat kózderin óndirý isine, sonyń ishinde kún elektr stantsııalaryn keńinen qoldanýǵa basa mán berýimiz kerek. Jalpy, Úkimet 2035 jylǵa deıingi uzaq merzimge arnalǵan biryńǵaı energetıkalyq teńgerimdi qaıta qaraýǵa tıis.